Author Archive

Rudie en Deon in die pylvak vir boekpryse – Netwerk24 – 25 September 2021

Posted on: October 1st, 2021 by admin No Comments

https://www.netwerk24.com/Vermaak/Boeke/rudie-en-deon-in-die-pylvak-vir-boekpryse-20210924

Hans bars die bioborrel

Posted on: October 1st, 2021 by admin No Comments

Huis Madeliefie se inwoners word deur die staat se vlak 5-inperking in die gesig
gestaar. Hans van Kraaienburg besef dit gaan elke faset van hul lewens raak,
want teen hierdie virus groei geen kruid nie. Maar die drakoniese reëls wat die
tehuis se interne bevelsraad uitvaardig, kry nie vatplek by Hans en kie nie. Om
sake te vererger, is Hans oor die hoof gesien as leier van die bevelsraad. Altoon
Ahlers, ’n befaamde akteur van weleeren ’n onlangse inkommer met ’n
buitengewoon hoë dunk van homself, neem die leisels.
 
Ná verskeie ontberinge en vernederinge, besluit Hans hy het klaar bek
gelek en stert geswaai. Dis tyd om die Groot Akteur se opgepompte spiertjies te
prik. Vriend Vasie voorspel daar gaan groot sports kom. Hans se plan om die
inwoners met die verbode vrug se sap aan sy kant te kry, boemerang egter sleg.
Hy sal Ahlers op ’n ander manier moet onttroon. Maar dit beteken dat Hans die
ondenkbare moet doen. Hy sal die bioborrel moet bars . . .

Moordmasjien was eens gekweste kind – Netwerk 24 – 14 Junie 2021

Posted on: September 20th, 2021 by admin No Comments

https://www.netwerk24.com/Vermaak/Boeke/moordmasjien-was-eens-gekweste-kind-20210613

Hartedief

Posted on: March 16th, 2021 by admin No Comments

KAAPSTAD SE VROUE WORD AFGEMAAI AS DIE WOLKE SAAMPAK …

En dis Kassie en Rooi wat die moordenaar moet vastrek.

Maar hoe spoor jy ’n miljoenêr-ontsnappeling op wat geen digitale spoor los nie, nie eens ’n selfoon besit nie en hope vals ID’s het? En boonop sy slagoffers se harte steel met net een kyk?

Dan is Kassie se volle aandag ook nie eintlik by die saak nie, want hy is smoorverlief op ’n mede-seëlversamelaar.

Om sake vir hom en Rooi te vererger, word hul baas by die Spesiale Spookeenheid daarvan verdink dat sy hul ondersoek doelbewus in die wiele ry.

Intussen broei daar weer onweer in die Kaap …

Hanlie Retief gesels met Rudie van Rensburg – Netwerk 24 – 15 November 2021

Posted on: March 16th, 2021 by admin No Comments

https://www.netwerk24.com/Stemme/Profiele/hanlie-retief-gesels-met-rudie-van-rensburg-20201115

Rudie van Rensburg on writing ‘Piranha’ – Sunday Times – 8 November 2020

Posted on: November 11th, 2020 by admin No Comments

Published in the Sunday Times (08/11/2020)

In my case inspiration can strike any time, anywhere. And that’s what happened with Piranha. In 2014 I was tackling a new manuscript when I saw a TV documentary about piranhas. It struck me that “Piranha” would be a powerful title for a crime thriller. The next day a newspaper article about rhino poaching caught my eye. I decided to do some research on the topic as a possible story backdrop. Eventually this developed into two important storylines – rhino poaching in the Kruger National Park, and piranhas in a dam on a grisly smallholding in the Western Cape.

In my research on rhino poaching I focused on Vietnam, mainly due to a widespread revival in the belief that rhino horn is a miracle cure not just for cancer, but for a host of other things. In adverts on Vietnamese websites, rhino horn is recommended for more than 70 medical conditions and end users are prepared to pay up to $40,000 per kg (in 2015).

Most poachers operate from Mozambique, the little towns all along Kruger’s eastern border. When I did my research in 2014-15, more than 1,000 rhinos were killed each year. My biggest obstacle was to get answers from SANParks. I asked them for information on their anti-poaching strategy and how the millions of rands they received from the Dutch and Swedish lotteries and the Howard G Buffet Foundation was used to put poachers on the back foot. I never received answers, which was frustrating. Although I am a fiction writer, I like to have all the relevant facts at my fingertips before I start writing.

Another challenge was to make sure piranhas can survive in a farm dam. No-one in SA could help me. Eventually I stumbled upon a person on the Internet who claimed to be a member of the “Piranha Club of America”, who kept piranhas in large tanks. Several of the club’s members responded to queries with information to make my story credible. (One person did not buy my story about being a writer. He was convinced I was a smuggler of exotic fish, and gave me tips on how to smuggle piranhas into the country.)

Piranha in short: When SAP Captain Kassie Kasselman starts investigating the disappearance of an ex-colleague, it becomes clear that more is going on than a simple drug-related missing person’s case. Somehow it all seems linked to the kidnapping of his colleague Rooi Els’s wife. From the Western Cape’s ganglands to Kruger’s rhino poachers, Kassie must unravel the mystery quickly but with care – or Rooi’s wife will be fish food.

Hans weer vol streke in Rudie van Rensburg se nuwe boek – Huisgenoot -16 Oktober 2020

Posted on: November 11th, 2020 by admin No Comments

https://www.netwerk24.com/huisgenoot/Vir-die-lekker/Boeke/hans-weer-vol-streke-in-rudie-van-rensburg-se-nuwe-boek-20201016

Merk deur Rudie van Rensburg: ’n resensie – Riette Rust – Litnet – 8 Oktober 2020

Posted on: November 11th, 2020 by admin No Comments

Merk
Rudie van Rensburg

Uitgewer: Queillerie
ISBN: 9780795802140 

Rudie van Rensburg se Merk volg op die hakke van Medusa en Vloek. Lesers en resensente is ewe opgewonde oor dié nuwe misdaadroman.

Kaptein Kassie Kasselman is terug! Niks aan sy antiheldstatus het verander nie. Die kaptein versamel steeds posseëls, luister na boeremusiek en dra sy rooi windjekker, dié keer met ’n skynbaar onuitwisbare sjokoladekol op.

Ná sy hartoperasie moet Kassie sy Lucky Strikes vaarwel toeroep. Dié gemis vul hy met (te veel) sjokolade, daarom is hy nog meer geset as voorheen.

Dis die kaptein se eerste dag terug by die werk. Sy lewe het weer betekenis, voel hy. Hy en adjudantoffisier Rooi Els moet ’n reeksverkragter in die Kaap se noordelike voorstede probeer vastrek. Vier jong vroue is reeds slagoffers. Dié verkragter is een met ’n verskil: Hy brandmerk vroue deur die syfers 399 op hul onderlywe aan te bring.

Die Spookeenheid se taak is oorweldigend. Uitdagings eskaleer. Wanneer vroue afgeloer en een vermoor word, lyk dit of die magsverkragter in ’n woedeverkragter verander het. Is dit sielkundig moontlik, of is die verkragter en die moordenaar dalk twee skurke? Die briewe wat vroue in hul posbus kry, lyk eweneens of dit van meer as een skrywer kom, die styl verskil dan so.

Die werk van die twee speurders word bemoeilik deur die kriminele profileerder, kaptein Lulu Wiersinga. Kassie reken profileerders steun te swaar op stereotipering en teorie. Daarby is Lulu se parfuum oorweldigend en weersinwekkend. Brigadier Fortuin is ook in die pad. Sy draai die skroewe al hoe stywer. Kasselman en Rooi beter die geweldenaar vang. En gou.

Die eerste sin van die proloog laat jou asem ophou, maar jy word terselfdertyd by die roman ingetrek. Só klink dit: “Die vrou se gedempte gehuil herinner hom aan die gekerm van ’n babahondjie. Een wat alleen in ’n kamer toegesluit is.” Sjoe!

Merk is ’n riller. Dikwels grieselrig en makaber. As subtema word geweld teen vroue ondersoek, ’n relevante en omstrede kwessie. Na raming word ’n Suid-Afrikaanse vrou elke 17 sekondes verkrag. (Nie alle verkragtings word eens aangemeld nie.) Die onderliggende boodskap is: Verkragting, verminking en afloerdery moet end kry. Dié tema is besonder gepas in hierdie tyd van (wêreldwye) Me Too-veldtogte.

Die klem val deurgaans op polisieprosedure, goed nagevors. Die onderbou van die roman steun sterk op die sielkunde agter verkragting. Dit sluit nekrofilie (die verkragting van lyke) in. Die menslike psige kan waaragtig stikdonker wees.

Die intrige is goed uitgewerk en die verrassingselement slaan jou teen die kop; nie ’n maklike uitdaging vir ’n skrywer wat jaarliks iets nuuts vir sy lesers wil skep nie.

Van Rensburg se karakterisering is sekerlik Merk se grootste pluspunt. Die slegte ouens is sleg verby, tog het die leser empatie met hulle en lees jy nuuskierig voort aan die Jekyll en Hyde van hul persoonlikhede.

So jammer dat die uitroep “Bliksis!” aan die hoofkarakter van die gewilde televisiereeks Die byl, soos deur Waldimar Schultz vertolk, herinner.

Van al die karakters is Rooi Els die vervelige een. Hy is daar om die kaptein te ondersteun – ’n mens leer hom nie werklik ken nie.

Ander karakters sluit in Hernus van der Merwe, die afleweringsman, wat voorheen in ’n lykshuis gewerk het. Hy hou nie van water en seep nie en “haat” selfgeldende vroue. Hernus het egter “die sperm van ’n wildehond”.

Priscilla Bekker is ’n joernalis by die poniekoerant Die Stem. Daar word sy gedwing om haar morele kompas weg te gooi. Sy is daarvan oortuig dat een van haar berigte tot ’n moord gelei het. Haar man, Gerbrand, gee bedags onderwys en is saans ’n ywerige buurtwaglid. Hy laat egter nie Priscilla se hormone tintel nie. Boonop irriteer sy materialisme en ingesteldheid op status haar. Hy kom later tot insig. Of dalk juis nie.

Wat ’n afstootlike vent! dink Priscilla van ou Snuif (Hamersma), die koerantredakteur. Hy trek hopies snuif “luid in albei neusgate op”, nies en vee sy neus met sy baadjiemou af. Snuif sê ook: “Ons (die koerant) doen net geringe verstellings aan sekere aspekte van die waarheid.”

Chrisjan Miles is ’n ouditeur en ’n nagtelike drawwer, maar dis nie al wat dié oujongkêrel in die donker doen nie. Daarby laat ’n rooikop van Welgemoed sy wellusvlak styg.

Die vraag bly staan: Wie is die verkragter?

Die dialoog in Merk vloei natuurlik en is lewensgetrou. Elke karakter praat dus soos hy of sy gebek is. Net jammer dat soveel stemme “skor” word. Hierdie byvoeglike naamwoord hoort eerder in ’n romanse tuis. So ook “rou snikke” wat uit kele “ontsnap” en karakters wat “hortend” asemhaal.

Kassie en Rooi het ’n voltydse taak om die verkragter/moordenaar vas te trek. Die kaptein is een van enkeles in die Spookeenheid wat wonder of die span nie dalk met twéé skurke te make het nie.

’n Afloerdery en ontvoering bemoeilik sake, nes die joernalis wat opdrag kry om al die duisterhede te belig. Die karakters (en lesers) wonder waarvoor die 399 in die brandmerk staan, maar die antwoord kom nie dadelik nie.

Die spanningslyn trek al stywer. Nes jy dink jy kan eenvoudig nie meer stres hanteer nie, ontlok die titels van Kassie se gunstelingboeremusiektreffers ’n glimlag, of vermaak Lulu jou. Sy is komies-irriterend en ook ’n taal-Nazi.

Wees gewaarsku: Merk is hardebaardleesstof. Skokkender kry jy nie sommer nie. As dit egter jou ding is, haal ’n pak sjokolade uit, maak jou in die bed tuis en trek die roman nader. Merk is hoogs toeganklike leesstof. Dis trouens een van die boeiendste ervarings wat jy in ’n lang tyd sal hê.

Probeer net ’n bietjie harder as Kassie om die klewerige sjokoladekol (of -merk!) op jou lakens te probeer uitkry.

Sosiale Netwerke


css.php Top